KONTAK ONS

Vir meer inligitng en navrae, kontak:
(018) 294 9037 / (018) 294 5581
Gedurende kantoorure.
(Maandae - Vrydae 07h30 to 16h30) 

Faks:
(018) 293 3128 

E-pos:
info@potchakademie.co.za

TINA SCHöLTZ

Die dryfkrag agter die Akademie...

 

Tina Schöltz, stigter, eienaar en direkteur van Potchefstroom Akademie, is plaaslik en internasionaal bekend vir haar kundigheid op die gebied van velsorg- en gesondheidsterapie, asook verwante wetenskappe.

Nadat sy in 1970 ’n BA-graad en in 1971 ’n onderwysdiploma verwerf het, begin sy met haar onderwysloopbaan. Dit was egter nie lank nie voor sy besef het dat daar ’n behoefte bestaan aan opleiding in skoonheids‑ en gesondheidsterapie. Nadat sy verskeie nasionale en internasionale kwalifikasies, asook ’n internasionale opleidingsdiploma in skoonheidsterapie gekry het, stig sy Potchefstroom Akademie en skryf haar eerste studente in 1981 in.

As ’n meesterlike entrepreneur, waarvan verskeie toekennings getuig, ondersoek sy voortdurend nuwe idees en lei nuwe projekte wat gelei het tot die uitsonderlike vooruitgang en uitbreiding van die Akademie. As gevolg hiervan bied die Akademie nou ook kursusse in interieurontwerp en binneversiering aan.

In 2003 het sy die nuwe direkteur geword van SAAHST. Studente van SAAHST en Potchefstroom Akademie vind baat by ’n samewerkingsooreenkoms tussen die twee instansies omdat hulle toegang het tot die gedeelde fasiliteite en kundigheid.

Tina se geesdrif en dryfkrag inspireer en lei haar personeel en studente gedurig tot nuwe hoogtes.


Toekennings

  • Ontvang lidmaatskap van die Madison Who's Who Historic Association (2010)
  • Tina Schöltz word deur Madison Who's Who vereer as BBP-lid; en verskyn van 2007 tot 2009 in die Madison Who's Who Registry of Executives and Professionals, na haar voortreflike prestasie en uitmuntende bydrae tot die sakegemeenskap
  • 2009 – Tina Schöltz Groep – verwerf die Century International Quality Era-toekenning – Goue toekenning vir uitmuntendheid –  Ontvang toekenning in Genève, Switserland
  • 2009 – APPETD – Leierskaptoekenning
  • 2008-2009 – Benoem as Suid-Afrikaanse Sakevrou van die Jaar
  • 2008 – Madison Who's Who se toekenning as Suid-Afrikaanse Lid van die Jaar-toekenning
  • Die Tina Schöltz-dagspa word deur Les Nouvelles Esthetique bekroon as Medi-Spa van die Jaar 2007
  • Toekenning van die Beauty Health and Skincare Employers Association, vir Toewyding aan die Beroep (2007)
  • Rotariër-merietetoekenning vir toegewyde en onbaatsugtig diens aan die gemeenskap (Potchefstroom 1992 en 2005)
  • Potchefstroomse Plaaslike Munisipaliteit, Sertifikaat van Waardering, Burgemeester se Ekonomiese Adviesraad (2001)
  • Erkenning vir tien jaar onselfsugtige, lojale samewerking en vriendskap (Potchefstroomse Universiteit vir Christelike Hoër Opvoeding, 1997 and Noordwes-Universiteit 2000)
  • Eerste vrou wat verkies word tot Entrepreneur van die Jaar (Business Times Money, Ernst and Young,
  • SANLAM, SBDC Ltd., Trust Bank), Noordwes-Provinsie (1997)
  • Suid-Afrikaanse Raad vir Beroepsvroue, Goue Toekenning vir Diens aan Vroue in die Werkplek, Finalis (1997)
  • Simon van der Stel-Stigting se Sertifikaat van Eervolle Vermelding.
  • Finalis, Suid-Afrikaanse Sakevrou van die Jaar (1997)
  • Potchefstroom Sanlam/Herald se Sakevrou van die Jaar (1996)